JABHADA WADNIGA XORAYNTA OGAADEENYA

Xafiiska unugta J.W.X.O ee muqdisho

Xuska sanadguurada 22 ee J.W.X.O

 15/8/2006

halgamayaal iyo saaxiibayaal sida aan lawada socono waxay umad waliba leedahay maalmo ay xusaan kuna soo bandhigaan afkaartooda iyo marxaladihii kala duwanaa ee ay soo mareen 15- august waa maalintii la aas aasay jabhada wadaniga xoraynta ogaadeenya waana maalinta ay jabhadu soo bandhigto marxaladihii kala duwanaa ee uu halganaka shacabka ogaadeenya soomaray

hadaba manta oo ay taariikhdu tahay 15/8/2006 waxaan si wayn u xusnay sanadguuradii 22 aad ee jabhada wadaniga xoraynta ogaadeenya munaasabadaas balaadhan oo ay kasoo qaybgaleen dad wayna aad utiro badan oo ilaa 700 oo ruux gaadhaya

munaasabadan waxaa kasoo qayb galay bulshada reer ogaadeenya ee kunool muqdisho sida .

1 Golaha aqoonyahanka soomaalida ogaadeenya

2 culima awdiinka reer ogaadeenya

3 dhalinyarada reer ogaadeenya ee muqdisho ku sugan

4 siyaasiyiin badan oo ka socotay bulshada soomaaleyeed ee walaalaheen ah

5 siyaasiyiin reer ogaadeenya ah

6  masuuliyiin jabhadeed

 7 ugaasyo ,salaadiin, garaado, iyo wax garadkale oo badan

8 sidoo kale waxaa kasoo qaybgalay dhamaan saxaafada muqdiisho

munaasabadan oo aad loo soo gagaasimay ayaa socotay mudo 5 saacadood ah munaasabadan oo laga jeediyay khudbado aad dad waynihii u qiiro galiyay ayaa waxaa kamid ahaa khudbad dheer oo uu jeediyay garaad c/ shinbir oo ah siyaasi wayn oo ruug cadaa ah sidoo kale waxaa  khudbad dheer oo meelo badan taabanaysa oo shucuurtii dadwaynaha aad u kicisay halkaa kajeediyay N/hure macalin xasan sh cali iyo wakiilka jabhada O.N.L.F ee soomaaliya cilmi muxumed ,waxaa kale oo munaasabadan lagu soo bandhigay Riwaayad cajiib ah oo lamagacbaxday NABAD DIIDAYE NUUG BALAAYADA  riwaayadan oo ay soo diyaariyeen Abwaan  maxamuud c/raxmaan (kaadheeri)  iyo fanaaniin kale oo kamid ah fanaaniintii waabari ee soomaaliya sidoo kale waxaa riwaayadaa kaalin libaax kaqaatay dhalin yaro badan oo ka tirsan unugta j.w.x.o ee muqdisho dhalintan oo intii muda ahba  loo carbin hayay Riwaayadan

halgamayaal iyo saaxiibayaal waxaa kale oo aan idinka codsanaynaa qoladiina warbaahinta inaad sawirada iyo warbixintaba bulshada usoo bandhigtaan waad mahadsantiin

Midnimo Minted Iskutashi Guul

Allaahu akbar allaahu akbar allaahu akbar

C/raxmaan max.ed haajir

Radio Xoriyo