| Harar, Ethiopia, Aug 26, 2006. Jaamacada ALAMAYA oo uu ka dhacay kacdoon aad u kulul. Kacdoon aad u balaadhan ayaa ka dhacay Jaamacada ALAMAYA taariikhdu markay ahayd Aug 25, 2006. Kacdoonka wuxuu u dhaxeeyey ardayda qoomiyada tigree iyo kuwa Oramia, waxaana ku dhintay inta hada la ogyahay ugu yaraan 4 ruux waxaana ku dhaawacmay dad gaadhaya 113 ruux.
Jaamacada ALAMAYA waxay ku taalaa meel u jirta magaalada Harar 14km oo kaga aadan dhinaca waqooyiga. Kacadoonkan ayaa u muuqda mid ku wajahan xaalada siyaasadeed ay ku sugan tahay dawlada Ethiopia,kaasi oo ay dhamaanba ardayda Jaamacada Ethiopia aysan u dhiganin si niyad ah waxbarashada iyadoo marba marka ka sii dambaysa ka soo xumaanayso xaaladu.
Ma jiraan ilaa hada wax xal ah oo oo arintaas jaamacada laga gaadhay sida ay noo xaqiijiyeen qaar ka mid ah ardayda jaamacada dhigata ayaa sheegaya in ay aad u hoosayso rajada laga qabo deganaanshaha laga filaayo jaamacada iyada oo ay haatan ku sugan yihiin ciidamo aad u tiro badan oo itoobiyaan ah.
Radio Xoriyo
|